Hante adorar, Señor, tódolos reis da terra - Salmo 71

Epifanía do Señor - ciclo A

PORQUE TEMES HERODES

Por que temes, Herodes,

ao Cristo que nos chega?

Non rouba as nosas cousas

quen é a fonte delas.

Ían seguindo os Magos

a estrela que os trouxera,

buscan con luz á luz

dándolle a Deus ofertas.

O Año inmaculado

límpanos das maldades

cargando sobre si

tódolos nosos males.

Portento nunca visto!

As augas das seis tallas

son viño saboroso

e salvación humana.

A ti, Xesús, a gloria

por terte revelado,

co Pai do que procedes

e co Alento Santo.