Cando te chamo, Señor, respóndesme - Salmo 137

Domingo 17 de Ordinario - ciclo C

ONDA TI

-Onda Ti, noso Pai á tardiña,

onda Ti que nos levas da man

axuntámos para agradecerche

a ledicia do día que cae.

-Como van co pastor as ovellas

á tardiña durmir ó redil

cando a noite cae sobor do mundo

nas túas mans nos deixámonos ir.

-Como van coa galiña os pitiños

cando á tarde se vai indo o sol

á calor das túas alas quentiñas

na túa paz nos acollas, Señor.

-As estrelas e a lúa benzoan

o teu nome en silencio e en paz

e as tebras da noite pregoan

moi quediño o fogar de mañá.

-O universo adormece rendido

nos teus brazos que o gardan do mal

na túa paz nos durmimos tranquilos.

Boas noites, Pai, deica mañán.

 (Unidos á oración e a dor das familias e amigos

dos feridos e finados o pasado mércores)