CELEBRACIÓN + ORACION - DOMINGO + SEMANA 1 CORESMA B

 

https://xanostesaqui.blogspot.com/search/label/Coresma%20B?m=1

Primeiro domingo

Monición de entrada

Hoxe iniciamos o tempo de Coresma. Deus nos ofrece a súa man,a  man firme de Pai, presente sempre con forza e agarimo, Fai Alianza co seu pobo e o leva da man ata o seu Fillo, a Alianza Nova onde Home e Deus se fan un.

Rito penitencial

Ti que coidas de todas as túas criaturas. Señor, ten piedade de nós.

Ti que es o camiño da creación. Cristo, ten piedade de nós.

Ti que nos chamas a coidar a casa común. Señor, ten piedade de nós.

Ideas para a homilía

·         O pobo de Israel entendeu sempre a súa historia, e así o transmitiu na Biblia, como un camiño onde ían atopando a Deus.

·         Esa capacidade para entender os acontecementos, pequenos e grandes, como momentos de encontro con Deus é o que eles chaman Alianza.

·         Este é o fío que nos vai guiar en todos estes domingos de Coresma.

·         A Alianza que hoxe nos presenta a é a que Deus fai con Noé e toda a creación. Símbolo: o arco da vella.

·         Israel, como os pobos dese tempo dependía da natureza. Contrario a nós, non tiñan apenas capacidade de intervir nela ou modificala. Dependían sempre da vontade de Deus.

·         Cando vían no ceo o arco da vella, lembraban que Deus, aínda nos peores tempos, sempre estaba da súa parte.

·         Este texto lembra que a humanidade formamos parte de toda a creación. Se o pecado racha coa natureza (contaminación, cambio climático) Deus chama a saberse parte dela.

·         Asumirnos como criaturas de Deus, saber que o noso destino non vai ser distinto do que corra o resto do planeta.

·         E como di o Papa facernos responsables do coidado da casa común

Oración dos fieis

Como fillos e coidadores da terra na que vivimos, oremos con confianza a Deus.

·         Polas persoas que en tantos lugares do mundo consagran a súa vida á defensa da natureza. Oremos:

·         Por toda a xente que cada verán arriscan a súa vida por defendernos dos incendios forestais. Oremos:

·         Polos científicos, polas persoas que co seu estudio nos fan coñecer mellor o mundo no que vivimos. Oremos:

·         Pola nosa parroquia, polas necesidades de cada un e de todos. Oremos:

·         Pola xente que pensa que o futuro do planeta non lle afecta nin lle vai afectar, escravos dos seus medos e prexuízos. Oremos:

Acolle, Señor, a nosa oración, que se une a de toda a creación. Por Cristo noso Señor.

Ángel Domínguez Cerdeira

(grazas por compartir connosco)

 

Debuxos: Fano