INMACULADA CONCEPCIÓN - 8 de decembro

 

Anteriores Inmaculada

Oración do Papa Francisco

á Inmaculada Concepción

Virxe Santa e Inmaculada, a ti, que es o orgullo do noso pobo e o amparo maternal da nosa cidade, acollémonos con confianza e amor. Es toda beleza, María. En Ti non hai mancha de pecado. Renova en nós o desexo de ser santos: que nas nosas palabras resplandeza a verdade, que as nosas obras sexan un canto á caridade, que no noso corpo e no noso corazón brillen a pureza e a castidade, que na nosa vida reflíctase o esplendor do Evanxeo. Es toda beleza, María. En Ti fíxose carne a Palabra de Deus. Axúdanos a estar sempre atentos á voz do Señor: que non sexamos xordos ao berro dos pobres, que o sufrimento dos enfermos e dos oprimidos non nos atope distraídos, que a soidade dos anciáns e a indefensión dos nenos non nos deixen indiferentes, que amemos e respectemos sempre a vida humana. Es toda beleza, María. En Ti vemos a alegría completa da vida ditosa con Deus. Fai que nunca perdamos o rumbo neste mundo: que a luz da fe ilumine nosa vida, que a forza consoladora da esperanza dirixa os nosos pasos, que o ardor entusiasta do amor inflame o noso corazón, que os nosos ollos estean fixos no Señor, fonte da verdadeira alegría. Es toda beleza, María. Escoita a nosa oración, atende a nosa súplica: que o amor misericordioso de Deus en Xesús nos seduza, que a beleza divina nos salve, a nós, á nosa cidade e ao mundo enteiro. Amén.