Amarás ó teu próximo como a ti mesmo - Lev 19, 1-2. 17-18

Domingo 7 do Tpo.Ordinario - ciclo A

MíRASENOS

Non temos nas nosas mans

a solución aos problemas do mundo;

pero, fronte aos problemas do mundo,

temos as nosas mans.

Cando o Deus da historia veña,

miraranos as mans.

Non temos no noso corazón

a tenrura para acougar tantos mares de violencia;

pero, fronte a eses mares de violencia,

temos o noso corazón.

Cando o Deus da historia veña,

miraranos o corazón.

Non temos nas nosas entrañas

o consolo para serenar este val de bágoas;

pero, fronte a este val de bágoas,

temos as nosas entrañas.

Cando o Deus da historia veña,

miraranos as entrañas.

Non temos na nosa carteira

diñeiro suficiente para alegrar aos pobres;

pero a pesar de tanta pobreza e miseria

aínda aforramos e sóbranos.

Cando o Deus da historia veña,

de nada servirannos os nosos aforros e moedas.

Florentino Ulibarri