Cantarei eternamente a misericordia do Señor - Salmo 88
Domingo 4 de Advento - ciclo B
SEÑOR O TEU ADVENTO
É PRESENZA
Señor, o teu advento é presenza,
é o teu desexo de estar sempre connosco.
Non fai falta que che gritemos para que veñas.
Xa ves ti sen que te chamemos.
Es o gran presente. Xa estás aquí.
Vivir o advento é, sinxelamente, deixarte estar,
cada día máis, connosco.
Por iso che dicimos:
Señor, queremos que sexas advento
en todos e para todos.
Que sexas advento en todos nós
para que enchas de sentido
a nosa vida e así te fagamos presente
no noso mundo.
Señor, queremos que sexas advento
en todos e para todos.
Que sexas advento
nas nosas familias e comunidades,
para que vivamos no amor e a comprensión
e en todos os nosos fogares gocemos
da calor que necesitamos.
Señor, queremos que sexas advento
en todos e para todos.
Que sexas advento
en todos os pobos e cidades do mundo
para que desaparezan as guerras, o terrorismo,
a falta de liberdade, a fame ...
e todos vivamos como irmáns.
Señor, queremos que sexas advento
en todos e para todos.
Que sexas advento
en todos os que formamos a Igrexa,
para que non deformemos o "evanxeo"
e sexamos testemuñas auténticas
da túa presenza no mundo.
Señor, queremos que sexas advento
en todos e para todos.
Amén.
Comentarios
Publicar un comentario